私房菜 囍宴

地址: 灣仔灣仔道83號3樓

Petite C好鐘意同同事去呢棟大廈食私房菜,
除了囍宴, 仲有名門, 大喜慶~
今次係第一次試囍宴, 雖然呢間店開咗好耐,
又有名氣, 是Jacky Yu 主理的~

雖然地方不算好大, 但佈置令人感到舒適~
桌上還有鮮花點綴~當日就有枝好靚好靚的繡球花
 



因為和同事有6個人, 就叫了4-5人午市商務餐,
再加一個1人餐~ 呢到食物都好精緻~
味道好特別, 不是出面一般酒樓可以食到~
食得出餐廳係用心去諗每一道菜的調味加配料~
以下就係當日吃過的食物~

無味精雞湯...飲得出無味精, 感覺好似好清,

但又有好香雞味~ 其實應該話佢好香好濃雞味,

只係唔似一般老火湯好多渣喺湯水裡


金牌口水雞...全餐最有特色最好味的菜~
有陳村粉, 雞, 芫茜, 花生, 皮蛋, 私房秘製醬汁加芝麻~
想辣D可以再加佢連同一齊上枱的辣油(好似豆瓣醬)...
但原本同事話有分別, 因為辣油係有麻辣味道..
幾種咁香的東西加埋一齊, 真係食到停唔到口~


時蔬, 只可以話菜好新鮮~

私房小炒皇 ~ 有腰果, 韮菜花, 白飯魚,
好爽口, 可能加了蝦乾, 好香口. 用這送o左好多飯~

私房咕嚕蝦~ 味道適中, 蝦球好新鮮, 仲食到有荔枝肉~

欖豉醬陳村粉蒸黃花魚~
可能Petite C媽咪係蒸魚好拿手, 所以冇咩特別~

不過魚係新鮮. 但呢到就食唔出欖豉醬,

而太飽冇試呢碟魚下面的陳村粉~

鮑汁香酥糯米鴨...好脆, 鴨肉好有肉汁好嫰~
糯米加了鮑汁圍住鴨肉黎炸/煎...
不過覺得好似要有個醬(好似甜酸醬之類)..
其實佢好夠味, 只係食香口野個感覺要姐..哈哈


自家製豆腐雪榚, 好濃好濃豆腐味, 雪榚比較軟身~