法國 - 最愛青口店 Léon de Bruxelles

 
因為Petite C非常非常鐘意食青口,
喺出發前已經plan 定一餐去Leon 食~
但...實在太回味了, 所以最後都食多一餐.
呢到青口細細隻, 但份量多多,
而且相對香港食青口煲係便宜得多.
百幾蚊就可以食到一煲, 香港要二百幾至三百.

呢次法國行已經係2011年2年前,
所以相就唔係太update, 因為而家呢間店,
已經用了綠色做主題~ 藍色的布轉了綠色.

第一日lunch 叫了個青口煲,
另外仲有一塊牛扒....
最後覺得叫了牛扒真係好後悔,
好多筋....唔特別, 完全唔值呢個價錢,
所以大家去到只吃青口煲好了~
第二日dinner就即叫返青口算啦~

Petite C試了蕃茄忌廉同白酒青口煲,
2款都好好味, 值得推介比大家試~
青口好鮮嫰, 煮的時間剛剛好~
咬落每一粒都肥肥的, 脤卜卜.
個汁因為要帶起青口, 所以會比較鹹少少.
但如果唔鹹少少, 不太黏汁的青口係好難有味~
所以呢個係正常的~

青口會有埋薯條跟, 所以唔洗擔心唔夠飽~
另外Petite C即都有叫到甜品可樂啤酒,
但感覺呢到最抵都係青口,
因為可樂一般喺法國都比較貴.
價錢可以參考返menu,
以下website 裡面有晒, 仲有地址~
Petite C係喺香榭麗舍Champs-Elysees到食,
不過睇返webiste, 好似已經沒有了~

Website: http://www.leon-de-bruxelles.fr/


Menu 封面好可愛好卡通~

唔記得叫咩名, 只係記得布殊因為佢啃親, 呢個送的!

 

都唔細架, 因為佢塞到滿晒~

蕃茄忌廉汁, 睇返都想食呀! ^^

勁唔掂的牛扒

第2晚吃的白酒汁......自己煮都煮唔到咁香~

甜品......

煙三文魚牛油果他他

 
煙三文魚牛油果他他

材料: (2人份量)
牛油果.........................2個
煙三文魚..............約 100g
紅洋蔥.......................半個
蘋果.............................1個
日式芝麻沙律醬.........適量
橄欖油.......................適量
陳醋...........................適量

做法:

1. 半個蘋果切片和半個切粒浸入鹽水備用，做伴碟。
2. 紅洋蔥切粒粒，留下4個圈形做伴碟。
3. 牛油果切粒粒， 叉子把一半份量壓成茸，再混合。
4. 煙三文魚切粒，加入紅洋蔥碎攪勻。
5. 用2邊通窿圓模先放入牛油果碎，用匙壓實。
6. 上面再放入紅洋蔥煙三文魚碎，壓實把模拿起。
7. 再放伴碟， 另外放少許日式芝麻沙律醬完成。
8. 食時可在他他倒入少許橄欖油和少許陳醋。

因為呢餐主要係見屋企牛油果已開始熟，Petite C見到雪
櫃有咩整咩, 所以其實可以再放其他配料。

另外因為Petite C好驚好似漿糊狀的牛油果， 所以冇用叉子把一半份量壓成茸，但粒粒牛油果只要入模用力壓實， 圓柱都唔會太易散。 不過就千萬不要用攪拌器，因為之前睇外國飲食節目講過，攪拌器太勁會影響質感。而後落陳醋是因為令賣相更靚，陳醋一落會化開。

蘇梅島 - 阿公阿婆石 (Hin-Ta & Hin-Yai)

@2009

蘇梅有個好好笑的地標，
就係喺拉邁海灘附近的阿公阿婆石。
其實就係2個石頭好似男性同女性的生殖器官。
睇旅遊書話又係有個故仔....
今次就係阿仔既阿爸阿媽橕船去接新娘，
點知就遇上風浪，葬身大海，
而阿公阿婆石亦因此而形成。


阿公石

阿婆石



唔睇石, 其實呢到個風景都好好架~

蘇梅島 - 必吃 Hida Farm 海南雞

@2009

去蘇梅島, 跟旅遊書去了算係
有名氣的Hida Farm食海南雞飯，
位於拉邁路，記得當時包車一日周圍去，
所以只係比咗旅遊書個地址司機，
佢就車去嗰到，唔洗搵路。

呢到海南雞係起骨的，
雞的肉質好嫰滑，又唔會好肥。
另外記得要飲埋呢到嘅苦瓜湯，
Petite C第一次飲苦瓜湯，
原來唔苦架，好好飲~

最重要係呢到抵到爛，
一碟海南雞飯當時只係50銖 (太約11蚊)
不過就提提大家，呢到有啲大排檔feel,
並唔係坐得舒服的餐廳,
仲有係冇冷氣架~

地址: 144/24, Tambon Maret,
Amphur Koh Samui, Suratthani


苦瓜湯

如果飲凍可樂，會比隻有冰嘅杯你,

當然....當時Petite C放棄咗飲凍野..哈哈!

 

Peninsula 超抵食的Felix Early Dining

 
半島酒店28/F 有間餐廳叫Felix,

原來而家10月做緊promotion,

叫做Felix Early Dining,

就係6-8pm 惠顧有個好抵食的餐...

$388 per person 有3個course

$468 就有埋pink cocktail or rose wine.

雖然話就去到8點要走,

但其實佢地都唔會趕人走~

所以當日Petite C連幻彩詠香江都睇埋~

 

呢到真係好好view,

如果食物方面, 就覺得普普通通~

當日Petite C仲加咗$90試埋個蘑菇湯.

不過以呢個價錢, 加上環景和服務,

真係好值得去試,

記得之前喺The Verandah食buffet,

都要$698 一位未加10%

仲有呢個Felix Early Dining Set

係會拎$40 捐去香港遺傳性乳癌家族資料庫.

真係抵食又有意思.

 

要book 好快啦,

因為半島話做到10月尾~

唔知仲有冇得加場架....

而家比啲食物大家睇睇先~ 

 

  
Canadian Scallop Tartar with Beetroot Cream

Pink Grapefruit and Apple Salad, Black Sesame Powder

Crab Meat Salad with Red Onion Dressing, Sliced Parma Ham, Mango and Cilantro, Watermelon Radish



  

Mushroom Cream Soup, Grilled Hen of Wood, Bacon Crumble, Chicken Leg Mushroom Salad (With supplement HK$90)
....都值得加錢試~呢個好味

 
Sea Bass with Celeriac Puree, Pink Potato Gnocchi, Poached Honey Beans (本身係Cod....冇貨.....T.T)

 
Roasted Japanese Kirishima Black Pork with Pink Potato Mousseline, Deep-fried Pork Pavioli, Grilled Seasonal Mushrooms
(炸雲吞太老, 不過個黑豚好味)

  
"Pretty in Pink" Pomegranate Mousse and Ice Cream, Raspberry Compote, Strawberry and Banana Salad

 
Petite C要了Peninsula Tea做餐茶

 

 

《伴你同行：香港巴士故事》

重陽節翌日同Petite C的K先生去

了香港歷史文化博物館，

因為戶外2部古董巴士最後呢日展覽，

之後就會駛去西九文化區。

Petite C中學時已經要常常坐巴士返學,

唔多唔少對巴士都有少少感情~

不過以前坐的當然冇咁古舊啦 XD

只係熱狗同白色身的冷氣巴多。

 

今次展覽係免費的，

雖然2部古老巴士會駛走。

但博物館內的展區到11月11日，

不過事先同大家講聲:

裡面~ 人頭湧湧但冇咩野睇架..哈哈! 

 

丹拿A型及亞比安巴士 

 


丹拿E型巴士

青咖哩雞翼



 

這個菜是媽媽教我和姊姊做的，
因為教媽媽做這菜的朋友是泰國人，
所以很正宗呀 ^^ 發覺和家人一起做菜真的很開心。

 

青咖哩雞翼

 

材料 (4人份量):

雞翼........................1磅

泰式茄子................5粒

香茅........................2支

九層塔...................適量

檸檬葉..................3-4片

青咖哩膏.............2茶匙

椰漿....................200ml   (1細盒)

 

做法:

1. 雞翼茄子洗淨切半瀝水。
2. 洗淨香茅、九層塔及檸檬葉。香茅切去根部再一條切3節。九層塔摘下葉部備用。
3. 鑊大火下油，全部雞翼落鑊煎，待熟至8-9成下青咖哩膏炒勻後下椰漿攪勻。
4. 再把檸檬葉撕開2邊和香茅及九層塔落下後蓋鑊。
5. 蓋鑊焗一會至雞翼全熟便用大碗盛起完成。


用了這個牌子青咖哩膏，在大圍街市買的。

曼谷 - 翟道翟 熱到溶地尋寶去



一聽到翟道翟, 其實都不太想去.

因為嗰到的感覺是.....熱, 焗及迷失.

迷失係迷失方向, 大到睇住地圖,

加上有指示牌, 都唔會知道自己的位置.

呢世人未去過, 就當見識下啦,

如果比人問到, 去過曼谷但未去過真係笑死人.

太熱了, 所以快行快行,

見到好多寵物店, 看著小狗真可憐....

人類都已經感到熱暈, 更何況是一身毛的小狗..

 

正想快快行完離開之際,

見到有一間賣木製枱燈的店...

記得之前在商場見過這款長頸鹿燈,

因為價錢太貴冇買到, 但心裡面其實真的很喜歡

點知....比Petite C喺呢到見到,

仲要係以一半價錢買到~ 呵呵呵 (偷笑)

總算, 有收獲....

其實呢到的貨品都會比出面的便宜,

如果大家可以忍受到咁熱同焗的環境,

買手信和自用品都不失為一個好的選擇~

可惜...自問自己太怕熱了,
週末翟道翟市場....只此一次

 

可愛嗎?  ^^

蒜鹽柚子煎雞翼

因為之前去和民食過好好味, 所以就自己試試.
(係側魚涌嗰間先好味, 其他分店好少柚子味)
不過就製成品柚子味有, 但不夠濃.
可能因為放工好晏, 製作時間太短,
只醃了20分鐘, 所以建意大家可以醃耐少少

蒜鹽柚子煎雞翼

材料 (2人份量):
雞翼.................6隻
蒜鹽................適量
柚子汁...........50ml
雞粉...............適量
生粉...............適量

做法:

1. 先把雞翼溶雪, 洗淨瀝乾及剪半做單骨雞翼.
2. 用碗盛雞翼. 落少許油, 柚子汁及少許雞粉作醃料攪均. 最後落適量生炒, 醃半個鐘.
3. 中火鑊落油, 當油起泡時較小火
4. 把已醃雞翼表面沾上生粉, 落鑊煎至熟透, 灑上蒜鹽關火起碟.

* 柚子汁是在Taste買的 , 印象AEON $12蚊店都有售

蒜鹽黑胡椒煎三文魚扒

 

 

蒜鹽黑胡椒煎三文魚扒

材料 (2人份量):
三文魚扒................1 pack
黑胡椒.......................適量
蒜鹽...........................適量
蘆筍.............................6條
檸檬...........................半個
卡夫奇妙醬...............適量

做法:

1. 把三文魚扒洗淨及去鱗, 抹乾水份, 灑上蒜鹽及黑胡椒醃好.
2. 蘆筍水煮至軟身, 瀝乾備用.
3. 中火燒熱獲再下橄欖油，放三文魚扒煎至兩邊變金黃色上碟(切勿過時令魚扒變得太乾).
4. 蘆筍, 檸檬及卡夫奇妙醬伴碟.

 

焗蟹柳釀大蘑菇

 焗蟹柳釀大蘑菇

材料 (2人份量):
Portobello 大蘑菇.............4隻
蟹柳(切粒)..................約10條
黃甜椒(切粒).................1/4個
洋蔥(切粒)......................半個
蒜頭.................................3瓣
Mozzarella 芝士碎.........酌量
牛油................................少許
橄欖油............................少許

做法:

1. 焗爐預熱180度.
2. 蘑菇洗淨,切去莖部切粒留少許作釀料用.
3. 先把蘑菇放入焗爐焗5分鐘出水及倒去水份.
4. 燒鑊至微熱, 下牛油及洋蔥、蒜頭、黃甜椒及蘑菇莖粒, 炒至軟身.
5. 用碗盛起再把蟹柳、芝士碎及小許加入橄欖油攪勻.
6. 釀料小心釀入 蘑菇裡面再蓋上少許芝士碎.
7. 放入焗爐焗至表面芝士溶化及少許金黃色. 

Petite C所用的材料:

 

Jemeirah Dhevanafushi - Hermès上的小食

@2011

第一晚到達酒店, 已經係好夜的時間~

一入大廳就見到有一些小食同2杯飲品供應.

小食很別緻, 而且都很可口.

出發前還很擔心酒店食物會唔啱食,

睇黎之後幾日都唔需要擔心了.

 

點解特別講講呢個小食?

除了食物外, 仲有一個大驚喜~

原來隻碟係Hermès的,

現在淋浴套裝也是Hermès的,
有埋香水唔用可以拿走,

可能Petite C喺開業冇耐就去,
所以當初並未開始有呢個淋浴套裝...
不過以我一個不貪少便宜...(嘻, 偷笑)
及一個極之懶惰的人, 我都未必會拎走.
 

 





朱古力鬆餅 Chocolate Muffin

 



朱古力鬆餅 Chocolate Muffin

材料 (6小杯):

可可粉....................隨意        

朱古力粒................50克

發粉...................1/5茶匙        
自發粉..................145克
雞蛋..........................1隻        
鮮奶......................125克
溶牛油....................30克        
砂糖........................45克

做法:
1.      焗爐預熱190度。
2.      用鐵匙將砂糖及雞蛋拂勻。
3.      倒入鮮奶、溶牛油攪勻。後篩入自發粉及發粉，
        最後篩入可可粉攪勻。
4.      加入朱古力粒再攪勻。
5.      將朱古力糊倒入紙模每個約2/3滿。
6.      表面再鋪上朱古力粒，放入焗爐以180度焗
         20-30分鐘。

最鐘意整 Chocolate Muffin, 因為好簡單, 而且又好鐘意朱古力粒粒喺半溶狀態下，食落真係好好口感。沖返杯Earl Grey 加埋靚靚茶具，成件事真係唔同晒 :)

Strawberry Layer Cake, The Mandarin Cake Shop

第一次食文華東方Cake Shop小蛋糕，

聽聞都幾出名。 到了Cake Shop,

Petite C就選了Strawberry Layer Cake

(其他口味是同事的) 

好明顯係比佢個賣相吸引了~

樣花同水珠都好靚。

 

點知食完, 覺得只係一般來形容~

之前吃過Tony Wong, Sift 及Zoe....

Mandrin Cake Shop 已被追過了~

同事們都有同樣感覺,

可能....我們嘴刁了....

但不能不讚它的包裝盒,

好硬淨同埋有磁力的~