巴塞隆拿 - 起極都唔完的 聖家大教堂

 

呢排電視做三個小生去旅行，

剛剛昨日講起去聖家大教堂，

令到懶懶的Petite C有了動力打呢則文。

其實好鐘意聖家大教堂，

亦都決定一生人再去多次~

上一次冇入教堂，下次一定要去，

同希望見到佢完工的一天。

但因為始終去完咁多年，

所以都冇咩動力打返篇文~

 

講返聖家大教堂先，佢係一個天主教堂，

由1882年開始建築，因為佢係贖罪教堂，

所以都要靠人捐款興建。因為冇咩捐款，

同埋咁昂貴的建築令到教堂起得好慢。

而第一位設計師又因此和教宗不合，

所以唔做，令到高第Gaudí接手。

而亦都把原有風格改變了。

 

Gaudí將成副心機去起呢間教堂，

而且仲喺旁邊起個小屋訓埋，

點知有一日Gaudí完成手上工作

出市中心教堂做禮拜被車車死了~

去巴塞隆拿好多時都係去睇Gaudí的建築~
而Petite C都比佢特別建築風格吸引了~
....講講下, 變了講Gaudí....哈~

 

聖家大教堂有3面,

有誕生、受難和榮耀，

而每支好似粟米的鐘塔係有代表的~

3面每面有4條, 即12門徒，

中心位有6條即福音書4位作者、

耶穌基督和聖母。

大教堂每面都有雕塑返聖經的故事~
 

聖家大教堂真係一個不可錯失的景點~

下一次到巴塞隆拿，

Petite C一定會用多點時間慢慢品嚐。

 

** 因為呢到好多小偷，大家黎到要小心呀!

安全起見用了傻瓜機影~ 相的質素也麻麻

 

 

 
就係呢間小屋啦~

 

簡易~ 蕃茄洋蔥青口煲

 

呢排成日介紹食青口煲，其實私底下都會整~

但通常都會整下蕃茄洋蔥味~ 有時都會整白酒,

或者忌廉, 但呢個比較方便。

 

蕃茄洋蔥青口煲

青口............1磅

蕃茄............2個 (切粒)

洋蔥............1個 (切粒)

百里香........適量

清雞湯........1盒 (細盒裝)

蒜茸............4瓣

 

做法: 

1. 青口洗淨除去像草的雜物，如果真空包已洗青口可不用洗~
2. 細火蒜茸下煲同小許牛油炒香，再加入洋蔥和蕃茄炒。
3. 炒至半熟時下清雞湯至中火滾起再落青口。
4. 約5分鐘加百里香再滾2-3分鐘就完成。

今次比較多水，因為貪方便用真空有少少汁的青口真接倒入~仲有今次實際用了2磅仲要細煲 (1磅唔夠我家青口怪食)，所以先有咁逼爆又多水的效果。之前city super 有活青口，試過真係好鮮味，但唔係成日有。

 

另外可以整白酒或忌廉汁代替清雞湯比較香口 (但就不用落蕃茄) ~但因為Petite C樓下超市成日冇忌廉，有時又唔記得買白酒，所以就以屋企成日有既史雲生清雞湯做個湯底。

 

 

超抵<豐收日>大閘蟹團購餐

 

早陣子，Yahoo團購出了個"豐收日"大閘蟹餐，

$198就可以食到好豐富的大閘蟹鮑魚8道菜晚餐~

雖然條款加一係用原價，但最後都係二百幾蚊一位，

比起其他大閘蟹專門店都抵。 

 

講講個餐有咩先~

 

1) 爆膏大閘蟹2隻(約5両1男1女)

 ~ 因為多人食，冇晒5両，所以2隻公都upgrade了6両比我地。真係好多膏，不過就有一隻女的好似死死地，之後同經理講，本身都唔係太想換，但再講多幾句，都拎返隻未死既比我地睇話再蒸過。。。都算OK啦~ 因為隻蟹好唔好，佢地始終都唔係太知~

 

 

2) 上海薰魚 & 紅燒烤夫 & 糖醋小排

~ 普普通通，不過不失

 

3) 蠔皇扣鮑魚

~估唔到呢餐最好食的一個菜，雖然細細粒飽魚，飽魚唔硬，但個汁真係好味，如果有白飯一定拎黎撈飯^^

 

4) 金湯小米燴海參/特色黃魚雲吞湯

~要了金湯小米燴海參，感覺好似名貴D, 不過就飲落冇咩味。

5) 蟹粉小籠包
~好少蟹粉

 

6) 酒釀丸子/ 寧波湯圓

 

 7) 桂花榚 ~呢個好味~

 

8) 薑茶 & 花雕酒

  

  

總結:

呢個價錢食到呢D菜式，

算係物有所值。服務一開始都好好，

但當發現有問題就會逃避唔理你，一個推一個，

見事件解決就會走返黎問你O唔OK~

另外上菜都比較慢~ 雖然餐係團購，

但見現場都有個差唔多的餐，

就要$288一位再加一,

所以都係團購抵D

咁平再加埋有Petite C勁鐘意的大閘蟹，

呢晚都吃得很滿意。

可能係全港最好吃的青口煲 @Capricci, Pacific Club

 

尖沙咀有間會所叫做大平洋會，

有幸屋企人係會員帶Petite C食飯，

呢到有幾間餐廳，最深刻都係Capricci~

Capricci 係意大利餐廳,

不過有我最鐘意食嘅青口煲。

香港都去過好多餐廳食青口煲，

不過呢間可以話係試過最好味~

 

Capricci用的青口好有青口味，

另外仲有肥肥的，

青口煲的Presentation好靚，

黎到仲要噴緊煙，

其實食青口煲的精髓在於個汁，

汁包含晒青口的味道，

再加上garlic和香葉，

美味指數爆晒燈~

用黎點麵包一流!!!!

 

法國的Léon唔可以成日去食,

Capricci可以話係另一好的選擇~

 

相關文章: 最愛青口店 Léon de Bruxelles http://www.petitecandy.blogspot.hk/2013/10/leon-de-bruxelles.html

 

日式小火鍋

早幾日無無聊聊一個人，就整咗個一人前。
見到屋企有剩的都放了落去，
例如: 人地用冬菇，我就用用剩的啡菇，
不過都要買少少野，好似牛肉豆腐。
因為都見塞咗成個煲底都係菜，
呢晚又唔想食烏冬，感覺好似健康啲...
其實食咗成pack 牛肉....不過感覺好滿足~
太易整，同埋材料唔正宗，
所以唔出食譜啦，不過湯底就用咗鰹魚汁。

巴黎 - 百年老店 Ladurée

如果講法國Ladurée同香港有咩分別，
應該最大肯定係環境，排隊時間。
Petite C係喺香榭麗舍大道嗰間買，
入到去都多人買，但服務員也很快手，
不用等~ 不過就服務態度麻麻~

因為當日join 咗local tour睇凡爾賽宮，
所以冇坐低慢慢食tea， 買走一盒8個裝。
可能玩完一日行程先回酒店食的關係，
感覺少了一分脆，仲有點甜，
不過其他人話正常，因為法國人很吃甜。
但Petite C個人認為Pierre Hermé 好味D
口味也特別D, 不過....
黎法國唔食下 Ladurée 點得架...哈~~

可參考PH一文:
http://www.petitecandy.blogspot.hk/2013/09/pierre-herme.html

回港後....可能真係唔係次次都一樣
竟然食Ladurée又比Pierre Hermé ，
但吃Pierre Hermé 是在開張冇幾日去食，
可能因為未準備好失了水準吧!

去到lunch的餐廳，因為太靚忍唔住拎出黎影下^^

 

德菜Berliner 做緊買一送一推廣

都有一段時間冇黎呢間餐廳，食德國豬手，

我會去King Ludwig Beerhall或者呢間~

Berliner German Bar & Restaurant，

早個星期一晚飯時間行過，

發現DB的D'Deck做緊promotion,

就係main course 買一送一，

其實以佢main course 既份量，

唔洗叫其他野都一定飽....

而另外happy hour 8:00pm前，

啤酒有唔好似65定75折，咁計法，

真係可以好抵咁食一餐德國菜。

 

今次叫了一個豬手， 紅酒小牛仔肉，

加一支啤酒， 埋單都只係$280，

豬手Berliner係比King Ludwig份量差不多，

但就外皮比King Ludwig更脆，

冇咁鹹，肉質亦比較鮮嫰~

而小牛仔肉，本身因為要叫個差唔多

價錢的main course 而叫, 冇咩期望

(差唔多價錢感覺抵啲~~)

最後真係喜出望外，好淋同紅酒汁好香。

伴邊的紅菜頭，酸菜都好好味。

最令人驚訝的就是牛肉旁的"薯仔"

...原來係粉團..